Thursday, March 4, 2010

ഷര്‍ട്ട് ഇസ്തിരിയിടുന്നത് എങ്ങനെ?

ഇസ്തിരിപ്പെട്ടി, വൈദ്യുതികൊണ്ടു പ്രവര്‍ത്തിക്കുന്നതായാലും ചിരട്ടക്കനല്‍ ഉപയോഗിക്കുന്നതായാലും അതീവ ശ്രദ്ധയോടെ കൈകാര്യം ചെയ്യണം. പ്രത്യേകിച്ചും വിലയേറിയ ഷര്‍ട്ടുകളും മറ്റും തേക്കുന്പോള്‍. പലരും പല രീതിയിലാണ് ഷര്‍ട്ട് ഇസ്തിരിക്കിടുന്നത്. അതില്‍ ഒരു രീതി ചുവടെ.

1.പശമുക്കിയ പരുത്തി ഷര്‍ട്ടാണെങ്കില്‍ വെള്ളം തളിച്ചശേഷം വേണം തേക്കാന്‍. ആദ്യം കോളറിലാണ് ഇസ്തിരിപ്പെട്ടി പ്രയോഗിക്കേണ്ടത്. കോളര്‍ നിവര്‍ത്ത് തേച്ചശേഷം മടക്കി തേക്കുക.

2. തുടര്‍ന്ന് കോളറിനു താഴെയുള്ള പടി തേക്കുക. ഈ പടി ഇല്ലാത്ത ഷര്‍ട്ടുകളും ഉണ്ട്.


3. തുടര്‍ന്ന് കൈകള്‍ തേക്കുക. കൈകളുടെ അറ്റത്തെ പടികളില്‍ ചുളിവുകള്‍ ഉണ്ടാകാന്‍ സാധ്യതയുണ്ട്. ഇത് തേച്ചു നിവര്‍ത്തന്‍ ശ്രദ്ധിക്കുക.


4. അടുത്തതായി പോക്കറ്റ് ഉള്ള ഭാഗം. പോക്കറ്റ് ഇല്ലാത്ത ഷര്‍ട്ടാണെങ്കില്‍ ശരീരത്തില്‍ ഇടുന്പോഴത്തെ ഇടതു ഭാഗം എന്ന് ഓര്‍ത്താല്‍ മതിയാകും. ബട്ടന്‍സ് കയറ്റുന്ന പടി വലിച്ചുപിടിച്ച് തേക്കുക.


5. തുടര്‍ന്ന് വലതു ഭാഗം. രണ്ടു ഭാഗത്തും മുന്‍പ് തേച്ചു മടക്കിയതിന്‍റെ പാടുണ്ടെങ്കില്‍ അത് വെള്ളം തളിച്ച് തേച്ച് നിവര്‍ത്തുക. പുതിയതായി മടക്കുന്പോള്‍ അല്‍പ്പം മാറിയാല്‍ രണ്ടു മടക്കുപാടുകള്‍ ഉണ്ടാകുന്നത് ഒഴിവാക്കാനാണിത്.


6. അടുത്തതായി ഷര്‍ട്ടിന്‍റെ പിന്‍ഭാഗം തേക്കുക.


7. പൊതുവേയുള്ള ഇസ്തിരിയിടന്‍ കഴിഞ്ഞ് ഷര്‍ട്ട് മടക്കേണ്ടതുണ്ടെങ്കില്‍ കോളര്‍ മുതല്‍ ഒന്നിടവിട്ടുള്ള ബട്ടന്‍സുകള്‍ അതതിന്‍റെ തുളയില്‍ കയറ്റുക.


8. ഷര്‍ട്ട് കമിഴ്ത്തിയിട്ട് ആദ്യം വലതു വശം പകുതി മടക്കി വലതു കൈ മടക്കി അതിനു മുകളില്‍ വയ്ക്കുക. തുടര്‍ന്ന് ഇടതു വശവും ഇടതു കൈയ്യുംഅതേരീതിയില്‍ മടക്കുക.


9. പെട്ടിയിലോ അലമാരയിലോ വയ്ക്കേണ്ടതാണെങ്കില്‍ ഇങ്ങനെ നെടുനീളത്തില്‍ മടക്കിയഷര്‍ട്ട് വീണ്ടും രണ്ടായി മടക്കുക. കമിഴ്ന്നു കിടക്കുന്ന ഷര്‍ട്ട് താഴെനിന്ന് മുകളിലേക്കാണ് മടക്കേണ്ടത്. മടക്ക് പോക്കറ്റിന് താഴെ നില്‍ക്കാന്‍ ശ്രദ്ധിക്കണം.


10. മടക്കിയ ഷര്‍ട്ട് കോളര്‍ മുകളില്‍ വരത്തക്കവിധം മലര്‍ത്തിവെച്ചശേഷം കോളറിന്‍റെ വശവും മറ്റും ഒന്നുകൂടി തേച്ചാല്‍ ഉപയോഗിക്കുകയോ പെട്ടിയിലോ അലമാരയിലെ സൂക്ഷിക്കുകയോ ചെയ്യാം.

5 comments:

. said...

പലരും പല രീതിയിലാണ് ഷര്‍ട്ട് ഇസ്തിരിക്കിടുന്നത്. അതില്‍ ഒരു രീതി ചുവടെ.

Rejeesh Sanathanan said...

ഇങ്ങനെ ഇസ്തിരിയിട്ടെടുക്കാന്‍ സമയം കുറച്ചെടുക്കുമല്ലോ..........

ബഷീർ said...

ഇതായിരുന്നല്ലേ കാര്യം :)

Anonymous said...

Press the rear side of unfolded-collar first, even if it gets spoilt...yu still can manage..as it gets covered when yu fold the collar...

Clipped.in - Explore Indian blogs said...

:-) should have had some pictures too.. Thanks for the effort.

Post a Comment

 
Design by Free WordPress Themes | Bloggerized by Lasantha - Premium Blogger Themes | cheap international voip calls